साताऱ्यात ‘कोयता गॅंग’चा थरार! करंजे पेठेत तरुणावर जीवघेणा हल्ला; घटना सीसीटीव्ही कॅमेरात कैद

Satara Crime News : साताऱ्यात गुन्हेगारीने पुन्हा एकदा डोकं वर काढलं आहे. शहरातल्या गजबजलेल्या करंजे पेठ नाका परिसरात ‘कोयता गॅंग’ने भरदिवसा धुमाकूळ घातला आहे. एका गॅरेज मधील तरुणावर अज्ञात हल्ले खोराने धारदार  कोयत्याने प्राणघातक हल्ला केला आहे. अक्षय रामदास गाडे हा तरुण यामध्ये गंभीर जखमी झाला असून हा सर्व प्रकार सीसीटीव्ही कॅमेरात कैद झाला आहे. 

हल्लेखोराला जखमी अक्षय गाडे याने दुकानातच डांबून ठेवलं डांबून

यातील एका हल्लेखोराला जखमी अक्षय गाडे याने दुकानातच डांबून ठेवल्यामुळे त्या आरोपीला शाहूपुरी पोलिसांनी घटनास्थळी येऊन ताब्यात घेतले. मात्र त्याचा दुसरा साथीदार या घटनेनंतर फरार झाला आहे. हा हल्ला कोणत्या कारणातून झाला याचा तपास पोलीस करत आहे. जखमी अक्षय गाडेवर खाजगी रुग्णालयात उपचार सुरू आहेत याची नोंद शाहूपुरी पोलीस ठाण्यात करण्यात आली आहे.

बोरीवलीत सराफ व्यापाऱ्याला मागितली 30 लाखांची खंडणी, चार आरोपी जेरबंद

बोरीवली परिसरातील एका सराफ व्यापाऱ्याला स्वतःला लॉरेन्स बिश्नोई टोळीतील असल्याचे सांगत व्हॉट्सअ‍ॅप कॉल-मेसेजद्वारे 30 लाख रुपयांची खंडणी मागून जीवे मारण्याची धमकी देण्यात आल्याचा प्रकार उघडकीस आला. तक्रार मिळताच बोरीवली पोलिसांनी सापळा रचत माहिम येथे सोने घेण्यासाठी आलेल्या रियाजुद्दीन बशीर याला ताब्यात घेतले. पुढील कारवाईत बांद्रा व जोगेश्वरी येथे छापे टाकून आणखी तीन साथीदारांना अटक करण्यात आली. आरोपींकडून मोबाईल जप्त करण्यात आले असून धमकी देणाऱ्या मुख्य सूत्रधाराचा शोध सुरू आहे. प्रकरणाचा तपास बोरीवली पोलीस करीत आहेत.

सराफा व्यापाऱ्याला व्हॉट्सअ‍ॅप कॉल व संदेशांद्वारे खंडणीची मागणी 

दिनांक 18 ते 24 फेब्रुवारी 2026 दरम्यान बोरीवली परिसरातील एका सराफा व्यापाऱ्याला व्हॉट्सअ‍ॅप कॉल व संदेशांद्वारे खंडणीची मागणी करण्यात आली होती. खंडणी न दिल्यास जीवे मारण्याची धमकी देण्यात आली होती. या प्रकरणाचा तांत्रिक व कौशल्यपूर्ण तपास करत पोलिसांनी आरोपींशी संवाद साधत खंडणीची रक्कम सोन्याच्या नाण्यांच्या स्वरूपात देण्याचा बनाव केला. त्यानुसार सोने स्वीकारण्यासाठी आलेल्या रियाजुद्दीन मोहम्मद बशीर (वय 29) याला माहिम पश्चिम येथून सापळा रचून ताब्यात घेण्यात आले. त्यानंतर करण्यात आलेल्या तपासात बांद्रा व जोगेश्वरी पश्चिम येथून आणखी तीन आरोपींना अटक करण्यात आली. अटक करण्यात आलेले सर्व आरोपी मूळचे वासेपुर, जिल्हा धनबाद (झारखंड) येथील असल्याचे निष्पन्न झाले आहे.

आणखी वाचा