ओडिशा राज्यातील भुवनेश्वर शहरात ३१ डिसेंबर रोजी एका रुग्णालयाच्या एसी काँप्रेसरच्या स्फोटात एक मॅकेनिकचा मृत्यू झाला होता. मॅकेनिकच्या मृत्यूची बातमी ऐकून त्याच्या गर्भवती पत्नीने आत्महत्या केली. मात्र एक आठवड्यानंतर समजले की, या अपघातात तिचा पती नव्हे तर दुसऱ्याच व्यक्तीचा मृत्यू झाला आहे. हा प्रकार उघडकीस आल्यानंतर महिलेच्या कुटूंबीयांना धक्का बसला आहे. गर्भवतीच्या सासूने आपल्या सुनेच्या मृत्यूसाठी रुग्णालय प्रशासनास जबाबदार धरले आहे. दरम्यान ज्या व्यक्तीला आता मृत घोषित केले आहे, त्याच्या वडिलांनी दु:ख व्यक्त केले की, ते त्यांच्या मुलाचे अंतिम दर्शनही घेऊ शकले नाहीत. कारण दिलीप समजून त्याचे अंतिम संस्कार केले गेले.
