देशातील ‘या’ राज्याचे नाव बदलणार! विधानसभेत नामांतराचा प्रस्ताव मंजूर, अंतिम मंजुरीसाठी केंद्राकडे पाठवणार

मुख्यमंत्री पी. विजयन यांनी प्रस्ताव सादर करताना सांगितले की, राज्याला मल्याळममध्ये ‘केरळम’ असे म्हटले जाते आणि मल्याळम भाषिकांसाठी संयुक्त केरळची मागणी राष्ट्रीय स्वातंत्र्य लढ्यापासून प्रबळ आहे. पण राज्यघटनेच्या पहिल्या परिशिष्टात आपल्या राज्याचे नाव केरळ असे लिहिले आहे. राज्यघटनेच्या अनुच्छेद ३ अन्वये ‘केरळम’ असे नामकरण करण्यासाठी तातडीने पावले उचलावीत आणि घटनेच्या आठव्या अनुसूचीत नमूद केलेल्या सर्व भाषांमध्ये त्याचे नाव ‘केरळम’ ठेवावे, अशी विनंती या विधानसभेने केंद्र सरकारला केली आहे, असे विजयन यांनी सांगितले.