Marathi Family Beaten in Kalyan : कल्याणमध्ये परप्रांतीय शुक्ला कुटूंबाने बाहेरुन माणसे बोलावून मराठी कुटूंबाला मारहाण केल्याचे प्रकरण राज्यात गाजत असतानाच पुन्हा एकदा परप्रांतीयांची दादागिरी समोर आली आहे. ९ वर्षाच्या मुलीशी अश्लील चाळे करणाऱ्याला जाब विचारण्यास गेलेल्या मराठी कुटुंबाला मारहाण करण्यात आल्याचा धक्कादायक प्रकार समोर आला आहे. उत्तम पांडे असं मारहाण करणाऱ्या व्यक्तीचे नाव असून त्याच्या पत्नीनेही मारहाण केली आहे. याप्रकरणी मानपाडा पोलीसठाण्यात परप्रांतीय पती-पत्नीविरोधात गुन्हा दाखल करण्यात आला आहे.
