[ad_1]
Colonel Sophia Qureshi Remark: मध्यप्रदेश सरकारमधील कॅबिनेट मंत्री विजय शाह यांच्याविरोधात महू तहसील येथील मानपुर ठाण्यात तक्रार दाखल करण्यात आली आहे. कर्नल सोफिया कुरैशी यांच्याबाबत केलेल्या वादग्रस्त वक्तव्यानंतर ही कारवाई करण्यात आली आहे. मध्यप्रदेश हायकोर्टाच्या आदेशानंतर ही तक्रार दाखल करण्यात आली आहे. विजय शाह यांच्याविरोधात ही तक्रार भारतीय न्याय संहिताच्या तीन कलमांतर्गंत दाखल करण्यात आली आहे. मात्र, हायकोर्टाच्या या आदेशाविरोधात मंत्री विजय शाह सर्वोच्च न्यायालयात धाव घेण्याचा निर्णय घेतला आहे.
मंत्री विजय शाह यांनी लष्करातील वरिष्ठ अधिकारी कर्नल सोफिया कुरैशी यांच्याबाबत एक वादग्रस्त वक्तव्य केले होते. शाह यांनी एका सभेत कर्नल सोफिया कुरैशी याचे नाव न घेता पाकिस्तानी दहशतवाद्यांना इशारा दिला होता. ते म्हणाले होते की, ‘आम्ही त्यांची बहिण पाठवून दहशतवाद्यांची ऐशी की तैशी कारवाई केली’. त्यांच्या या वक्तव्यानंतर तीव्र संताप व्यक्त करण्यात येत आहे. या वादग्रस्त वक्तव्यानंतर मध्यप्रदेश हायकोर्टानेही कठोर पाऊल उचलली आहेत. कोर्टाने कर्नल सोफिया कुरैशी यांच्याबाबत केलेल्या वादग्रस्त वक्तव्यानंतर स्वतः पावलं उचलून 4 तासांच्या आत विजय शाह यांच्याविरोधात FIR दाखल करण्याचे आदेश दिले आहेत.
जस्टिस अतुल श्रीधरन यांच्या अध्यक्षतेखाली असलेल्या खंडपीठाने राज्याचे पोलिस महानिदेशकांना (DGP) स्पष्ट आदेश देत म्हटलं आहे की, विजय शाह यांच्यावर तात्काळ FIR दाखल करण्यात यावी. कोर्टाने या प्रकरणात राज्याचे महाधिवक्ता प्रशांत सिंह यांनीही आदेश जारी करत तक्रार दाखल करण्याच्या सूचना दिल्या.
मुख्यमंत्री काय म्हणाले?
मुख्यमंत्री डॉ. मोहन यादव यांच्या कार्यालयाकडून पोस्ट करण्यात आली आहे. त्यात म्हटलं आहे की, माननीय मध्यप्रदेश हायकोर्टाच्या आदेशाचे पालन करुन माननीय मुख्यमंत्र्यांनी कॅबिनेट मंत्री श्री विजय शाह यांच्या वादग्रस्त वक्तव्यानंतर कारवाई करण्याचे निर्देश देण्यात आले आहेत.
विजय शाह यांचा माफीनाफा
विजय शाह यांनी म्हटलं आहे की, मी स्वप्नातही कर्नल सोफिया कुरैशी यांच्याबाबत चुकीचं काहीच बोलू शकत नाही. तसंच, मी लष्कराचाही अपमान करू शकत नाही. सोफियाने जाती आणि धर्माच्या पलीकडे जाऊन देशाची सेवा केली आणि दहशतवाद्यांना चोख प्रत्युत्तर दिले, मी त्यांना सलाम करतो. माझी कौटुंबिक पार्श्वभूमीही सैन्याशी संबंधित आहे. ज्या बहिणींचे सिंदूर दहशतवाद्यांनी नष्ट केले होते त्यांच्या वेदना लक्षात घेऊन मी हे विधान केले होते. जर उत्साहात माझ्या तोंडून काही चुकीचे निघाले असेल तर मी त्याबद्दल माफी मागतो.
[ad_2]
Source link
