🔹 फलटण नगरपरिषदेतील महत्त्वाचा प्रशासकीय बदल

फलटण :- फलटण नगरपरिषदेचे मुख्याधिकारी निखिल मोरे यांची बदली पुणे येथे झाली असून, त्यांच्या जागी सांगली येथील निखिल जाधव यांची नियुक्ती करण्यात आली आहे. आगामी नगरपरिषद निवडणुकीच्या काही महिन्यांआधी झालेला हा बदल विशेष लक्षवेधी ठरला आहे.

निखिल मोरे यांनी आपल्या कार्यकाळात शहरात विविध विकासकामे राबवून तसेच प्रशासकीय सुधारणा घडवून आणल्या होत्या. आता त्यांच्या जागी नवनियुक्त मुख्याधिकारी निखिल जाधव यांच्यावर आगामी निवडणुकीचे कामकाज आणि शहरातील विकासाचा वेग कायम राखण्याचे मोठे आव्हान असणार आहे.

या बदलामुळे नगरपरिषदेच्या कामकाजावर काय परिणाम होणार, याकडे शहरवासीयांचे लक्ष लागले आहे.