Nagpur umrkhed news : राज्यभरात गणपती उत्सव जल्लोषात साजरा करण्यात आला. लाडक्या गणरायाला मंगळवारी निरोप देण्यात आला. मात्र, नागपूर जिल्ह्यातील उमरखेड येथे गुरुवारी काढण्यात आलेल्या विसर्जन मिरवणुकीत मोठी दुर्घटना घडली आहे. ढोल ताशांच्या गजरात मिरवणूक सुरू असतांना काही जण फटाके फोडत होते. यातील एक आकाश बॉम्ब हा खालीच फुटल्याने मोठा स्फोट झाला. यात ११ महिला भाजल्या. त्यांना तातडीने दवाखान्यात भरती करण्यात आले आहे. यातील काहींच्या चेहऱ्याला मोठ्या जखमा झाल्या आहेत.
