🔹 फलटण नगरीच्या विकासात नवे पर्व : ‘मुधोजी क्लब’च्या नूतन इमारतीच्या भूमीपूजनाने रंगणार इतिहास 🔹

फलटण ( साहस Times) – फलटणच्या सामाजिक, सांस्कृतिक आणि क्रीडा क्षेत्रातील अग्रणी संस्था ‘मुधोजी क्लब’च्या नव्या इमारतीच्या भूमीपूजनाचा ऐतिहासिक सोहळा गुरुवार, दि. ७ ऑगस्ट २०२५ रोजी सायंकाळी ५ वाजता महात्मा फुले चौकातील क्लब परिसरात संपन्न होणार आहे. या नव्या वास्तूचे भूमीपूजन महाराष्ट्र विधान परिषदेचे माजी सभापती आणि आमदार श्रीमंत रामराजे नाईक निंबाळकर यांच्या शुभहस्ते होणार असून, फलटणच्या प्रगतीच्या वाटचालीत हा एक नवा अध्याय ठरणार आहे.

या कार्यक्रमाला श्रीमंत सुभद्राराजे नाईक निंबाळकर (उपाध्यक्ष, मुधोजी क्लब), श्रीमंत रघुनाथराजे नाईक निंबाळकर (चेअरमन, कृषी उत्पन्न बाजार समिती), श्रीमंत संजीवराजे नाईक निंबाळकर (चेअरमन, मुधोजी क्लब), राजीव नाईक निंबाळकर (सेक्रेटरी), हेमंत भोसले (खजिनदार), नितीनभैय्या भोसले (मा. उपनगराध्यक्ष, नगरपरिषद), तसेच क्लबचे विश्वस्त समर जाधव, डॉ. महेश बर्वे, महादेव माने आणि व्यवस्थापक बाळासाहेब बाबर यांची प्रमुख उपस्थिती लाभणार आहे.

या नव्या इमारतीमुळे शहरातील युवक, नागरिक आणि क्रीडापटूंना अधिक चांगल्या सुविधा उपलब्ध होणार असून, फलटणच्या सांस्कृतिक आणि सामाजिक उन्नतीसाठी ही वास्तू केंद्रबिंदू ठरणार आहे.