नाशिक – स्वातंत्र्यदिनानिमित्त नाशिक रोड येथील विभागीय आयुक्तालय येथे ग्रामविकास मंत्री गिरीश महाजन यांच्याहस्ते ध्वजारोहण होणार होते. त्यापूर्वी बहीण-भावाने केलेल्या आत्मदहनाच्या प्रयत्नामुळे खळबळ माजली. भूमिअभिलेख कार्यालयाच्या कारभाराच्या निषेधार्थ नाशिकच्या विभागीय आयुक्तालयासमोर उपोषण करणाऱ्या बहीण भावाने आज स्वातंत्र्यदिनी आत्महदहनाची तयारी केली होती. मात्र, वेळीच पोलिसांनी हस्तक्षेप करून दोघांना ताब्यात घेतल्याने मोठा अनर्थ टळला.
