मराठी सिनेसृष्टीत अस्सल मातीतल्या इरसाल विनोदाने दोन दशके प्रेक्षकांना खळखळून हसायला लावणारे अभिनेते म्हणजे दादा कोंडके. इतक्या वर्षांनंतरही त्यांचे चित्रपट पाहण्यासाठी प्रेक्षक उत्सुक असतात. त्यांचे सिनेमे पाहताना प्रेक्षकांची हसून लोटपोट होण्याची क्षमता आजही कायम आहे. पण एका चित्रपटाच्या वेळी दादा कोंडके यांनी चक्क बॉलिवूड दिग्दर्शकाला महाराष्ट्रीयन पद्धतीची पिवळी बटाट्याची भाजी खाऊ घातली होती. त्या दिग्दर्शकाला देखील ती आवडली होती.
