यावेळी कधीही स्वतःला रंग न लागू देणारा अर्जुन केवळ सायलीसाठी रंगांची उधळण करायला तयार होणार आहे. तर, अर्जुनला रंगपंचमी खेळायला आलेला पाहून प्रिया त्याच्या दिशेने रंग घेऊन धावणार आहे. ‘तू मला रंग लावू नकोस. मी केवळ माझ्या बायकोसाठी इथे आलो आहे’, असं अर्जुन प्रियाला सांगणार आहे. मात्र, प्रियांका अर्जुनचं काहीही ऐकण्याच्या मनस्थितीत नाही. ‘तुला इथे आणण्याचे प्रयत्न मी केले. त्यामुळे तुला पहिला रंग मीच लावणार’, असं म्हणत प्रिया आता अर्जुनला रंग लावण्याचा प्रयत्न करणार आहे. तर, अर्जुन मात्र प्रियाला तू मला रंग लावू नकोस, असं सांगणार आहे.
