काश्मीरमध्ये थंडीची लाट वाढली असून, खोऱ्यातील बहुतांश ठिकाणी तापमान शून्याखाली नोंदवण्यात आले आहे. अधिकाऱ्यांनी सांगितले की, रविवारी रात्री दक्षिण काश्मीरमधील पुलवामा आणि शोपियाँ शहरांमध्ये किमान तापमान गोठणबिंदूपेक्षा 7.4 अंश खाली नोंदवले गेले.
श्रीनगर : काश्मीरमध्ये थंडीची लाट वाढली असून, खोऱ्यातील बहुतांश ठिकाणी तापमान शून्याखाली नोंदवण्यात आले आहे. अधिकाऱ्यांनी सांगितले की, रविवारी रात्री दक्षिण काश्मीरमधील पुलवामा आणि शोपियाँ शहरांमध्ये किमान तापमान गोठणबिंदूपेक्षा 7.4 अंश खाली नोंदवले गेले. पुलवामा आणि शोपियान ही खोऱ्यातील सर्वात थंड ठिकाणे होती.
श्रीनगर शहरातील किमान तापमान उणे 5.3 अंश सेल्सिअस रविवारी रात्री होते. जे आदल्या रात्री उणे 4.8 अंश सेल्सिअस होते. दक्षिण काश्मीरच्या अनंतनाग जिल्ह्यातील पहलगाममध्ये किमान तापमान उणे 6.9 अंश सेल्सिअस नोंदवले गेले. दक्षिण काश्मीरमधील काझीगुंड शहरात किमान तापमान 5.2 अंश सेल्सिअस तर उत्तर काश्मीरमधील गुलमर्ग येथील स्की रिसॉर्टमध्ये उणे चार अंश सेल्सिअस तापमानाची नोंद झाल्याची माहिती अधिकाऱ्यांनी दिली. कोकरनाग शहरात किमान तापमान उणे 2.6 अंश सेल्सिअस आणि कुपवाडा येथे उणे सहा अंश सेल्सिअस होते.
