Snake Viral News: उत्तर प्रदेशातील महोबा परिसरात एका १९ वर्षीय तरुणीला सर्पदंश झाल्यानंतर रुग्णालयात दाखल करण्यात आले. या तरुणीच्या कुटुंबाने असा दावा केला आहे की, गेल्या पाच वर्षांपासून एक काळ्या रंगाचा साप तिचा पाठलाग करत आहे. या कालावधीत सापाने तब्बल ११ वेळा तिला दंश केला आहे. संबंधित तरुणी घरात स्वयंपाक करत असताना सापाने तिला शेवटचा दंश केला. या घटनेने संपूर्ण गावासह तिच्यावर उपचार करणारे डॉक्टरही हैराण झाले आहेत.
