Viral News : मेरठमधील दिल्ली-डेहराडून महामार्गावरील एका मोठ्या रिसॉर्टमध्ये एक शाही विवाह सोहळा पार पडला. या विवाह सोहळ्यात सूटकेसमध्ये भरून तब्बल २ कोटी ५६ लाख रुपये रोख हुंड्यापोटी नवर देवाला देण्यात आले. हा व्हिडिओ सोशल मीडियावर व्हायरल होत आहे. लग्न समारंभात बूट चोरणाऱ्यांना ११ लाख रुपये तर आणखी ८ लाख रुपये दुसऱ्या एका विधीसाठी देण्यात आले आहेत. हा व्हिडिओ व्हायरल झाल्यावर नेटकऱ्यांनी यावर अनेक प्रतिक्रिया दिल्या आहेत. आयकर आणि ईडीचे पथक अशा लोकांवर छापे टाकत नाही का असा सवळ त्यांनी विचारलं आहे. तर एवढी रोकड कुठून आली आणि त्याचा हिशेब कोण घेणार, असा सवाल देखील काहींनी विचारला आहे.
