यात पुढे लिहिण्यात आले आहे की, ‘तिने शोमधील संपूर्ण टीमसोबत नेहमीच गैरवर्तन केले. शूटमधून बाहेर पडताना तिने तिची कार भरधाव वेगाने चालवली आणि तिच्या मार्गात येणाऱ्या लोकांना टक्कर दिली. इतकंच नाही तर, तिने सेट वरच्या मालमत्तेचंही नुकसान केलं आहे. शूटिंगच्या वेळी त्याच्या वाईट वागणुकीमुळे आम्हाला तिचा करार रद्द करावा लागला. या घटनेच्या वेळी असित मोदी अमेरिकेत होते. आता ती आमच्यावर बिनबुडाचे आरोप करून शोची प्रतिमा डागाळण्याचा प्रयत्न करत आहे. या बिनबुडाच्या आरोपांविरोधात आम्ही संबंधित अधिकाऱ्यांकडे तक्रार नोंदवली आहे.’
