फलटण प्रतिनिधी :-  फलटण तालुक्यातील आळंदी–पंढरपूर मार्गावर वडजल गावाजवळ, फरांदवाडी ग्रामपंचायत हद्दीत मोठ्या व्यावसायिक प्रकल्पाचे बांधकाम सुरू असल्याची चर्चा आहे. स्थानिक नागरिकांच्या म्हणण्यानुसार, आवश्यक प्रशासकीय व ग्रामपंचायतीच्या परवानग्या न घेता हे काम सुरू करण्यात आले आहे. त्यामुळे “हम करेसो कायदा” अशी परिस्थिती निर्माण झाल्याची भावना सर्वसामान्यांमध्ये व्यक्त होत आहे.  #शासकीयरस्त्याचेनुकसान या ठिकाणी शेतकऱ्यांना शेतामध्ये ये-जा करण्यासाठी आमदार निधीतून तयार करण्यात आलेला रस्ता आहे. संबंधित बांधकाम करताना या रस्त्याला अडथळा निर्माण करून त्याचे मोठ्या प्रमाणावर नुकसान झाल्याचे स्थानिकांचे म्हणणे आहे. हा रस्ता शासनाच्या निधीतून उभारण्यात आल्याने त्याचे नुकसान म्हणजे थेट सार्वजनिक संपत्तीचे नुकसान होय.  परवानगीनसतानाहीकामसुरू?
स्थानिक पातळीवरील परवानग्या, बांधकाम परवाना, ग्रामपंचायत मंजुरी, तसेच इतर आवश्यक शासकीय प्रक्रिया पूर्ण न करता काम सुरू केल्याचा आरोप होत आहे. याबाबत तक्रारी दाखल झाल्यानंतरही काम सुरूच ठेवण्यात आल्याचे सांगितले जाते. मात्र, संबंधित विभागांकडून ठोस कारवाई झाल्याचे दिसून येत नाही.
प्रशासनमूकदर्शकका?
सार्वजनिक मालमत्तेचे नुकसान होऊनही प्रशासनाकडून कारवाई का होत नाही?
नुकसान भरपाईची जबाबदारी निश्चित का केली जात नाही?
परवानगी प्रक्रियेचे पालन न करता उभारण्यात येणाऱ्या प्रकल्पांवर नियंत्रण कोण ठेवणार?
हे प्रश्न सध्या सर्वसामान्य जनतेतून उपस्थित केले जात आहेत.
जनतेचीमागणी संबंधित बांधकामाची सर्व कागदपत्रे आणि परवानग्या सार्वजनिक कराव्यात. शासकीय रस्त्याच्या नुकसानीची पंचनामा करून भरपाई वसूल करावी. दोषी आढळल्यास कठोर कारवाई करावी. ग्रामपंचायत व प्रशासनाने पारदर्शक भूमिका जाहीर करावी. कायद्याचेभानसर्वांसाठीसमान
कायद्यापुढे सर्व समान आहेत. मग तो सामान्य नागरिक असो वा मोठा उद्योगसमूह. सार्वजनिक संपत्तीचे संरक्षण करणे आणि नियमांचे पालन करणे ही प्रत्येकाची जबाबदारी आहे. प्रशासनाने वेळेत आणि पारदर्शकपणे भूमिका स्पष्ट केली तरच जनतेचा विश्वास टिकून राहील.