‘द केरळ स्टोरी’ चित्रपटाच्या क्रू मेंबर्सपैकी एकाला अनोळखी नंबरवरून धमकीचा संदेश आला होता. या संदर्भात बोलताना पोलिसांनी सांगितले की, ‘मेसेज पाठवणाऱ्या व्यक्तीने क्रू मेंबरला धमकावले आणि त्याला एकटे घर सोडू नका असे सांगितले. मोठ्या पडद्यावर ही कथा दाखवून त्याने चांगले काम केलेले नाही, असे देखील यात म्हटले आहे. धमकी मिळाल्यानंतर आता त्याला पोलिसांनी सुरक्षा पुरवली आहे. परंतु, या संदर्भात कोणतीही लेखी तक्रार दाखल न केल्यामुळे एफआयआर नोंदवता आलेला नाही.
