सायली-प्रियाचं जोरदार वाजणार!
दुसरीकडे प्रियाची चाललेली नाटकं सायलीने बरोबर हेरली आहेत. सायली आता प्रियाला धमकावताना दिसणार आहे. एखाद्या बाईला जर तिच्या नवऱ्याजवळ परकी स्त्री गेलेली दिसली, तर ती बाई अशीच वाघीण होते आणि त्या दुसऱ्या परक्या बाईचा कोथळा बाहेर काढते, असं म्हणून सायली प्रियाला धमकावण्याचा प्रयत्न करते. मात्र, ‘तुझ्याच घरात राहून तुझ्या डोळ्यादेखत तुझ्या नवऱ्याला माझ्या पाठी फिरायला लावते की, नाही बघ. हे माझं चॅलेंज आहे तुला’, असं म्हणत प्रिया देखील आता सायलीला उलट उत्तर देणार आहे. दोघींच्या या भांडणात अर्जुन काय करणार हे मालिकेच्या येत्या भागांमध्ये कळणार आहे.
