फलटण प्रतिनिधी : फलटण नगर पालिका निवडणुकीच्या पार्श्वभूमीवर मंगळवार पेठ परिसरात आज राजकीय वातावरण चांगलेच रंगतदार झाले. प्रभाग क्र. 2 (अनुसूचित जाती महिला) राखीव या प्रभागातून शिवसेना (एकनाथ शिंदे) राजे गटाच्या उमेदवार म्हणून सौ. आरती जयकुमार रणदिवे (काकडे) यांनी आपला उमेदवारी अर्ज दाखल केला. प्रभाग दोनमधून काकडे कुटुंबाला संधी मिळावी अशी स्थानिकांची मागणी होती, आणि अखेर ती पूर्ण झाल्याने काकडे भावकीत आनंदाचे वातावरण निर्माण झाले आहे.
अर्ज दाखल करताना सौ. आरती रणदिवे यांनी धनुष्यबाण या चिन्हावर उमेदवारी दिली असून त्यावेळी कार्यकर्त्यांची उत्स्फूर्त उपस्थिती पाहायला मिळाली. प्रभागातील नागरिकांच्या समस्या, मूलभूत सुविधांचा अभाव आणि स्थानिक प्रश्न यावर प्रभावीपणे काम करून सक्षम नेतृत्व देण्याचा निर्धार त्यांनी यावेळी व्यक्त केला.
