Korean Actor Song Jae Rim Died : कोरियन मनोरंजन विश्वातून पुन्हा एकदा एक अतिशय दुःखद बातमी समोर आली आहे. प्रसिद्ध कोरियन अभिनेत्याच्या निधनाने टीव्ही, चित्रपट आणि संगीत उद्योगाला मोठा धक्का बसला आहे. १५ वर्षांपासून अभिनय विश्वात नाव कमावणाऱ्या सॉन्ग जे रिम या लोकप्रिय अभिनेत्याने या जगाचा निरोप घेतला आहे. ३९ वर्षीय अभिनेत्याचा मृतदेह त्याच्या घरातून सापडला असून पोलिसांनीही अभिनेत्याच्या मृत्यूला दुजोरा दिला आहे. आता चाहते आणि इंडस्ट्री शोकमग्न झाली आहे. गेल्या काही काळात अनेक कोरियन कलाकारांनी ऐन तारुण्यात आपलं आयुष्य संपवल्याच्या घटना घडल्या आहेत. यातच आता सॉन्ग जे रिमने देखील आत्महत्या केल्याचा दावा केला जात आहे.
