फलटण :- खासदार गटाचे कट्टर समर्थक आणि सेवानिवृत्त सनदी अधिकारी विश्वासराव भोसले यांना मंचावर स्थान दिल्याने तालुक्यातील राजकारण पुन्हा तापले आहे. राजे गटाच्या ताब्यातील कारखान्याच्या सभेत भोसले उपस्थित राहिल्याने ‘राजे-खासदार’ गटात पॅचअप होणार की काय, अशा चर्चा जोरात सुरू झाल्या आहेत.
सभेवेळी श्रीमंत रामराजे नाईक निंबाळकर यांनी रिट पिटीशन मागे घेण्याचा ठराव सभागृहात मांडला. त्यावर विश्वासराव भोसले म्हणाले,
“महाराज साहेबांचा नेहमीच आदर आहे. मी त्यांच्या विचारांशी सहमत असून काही तांत्रिक बाबी व्हाईस चेअरमन यांच्याशी बोललो आहे. त्या दुरुस्त करून पुढे जाऊया.”
या विधानानंतर राजकीय समीकरणे बदलणार का? तिसरी आघाडी तयार होणार का? अशा चर्चांना पुन्हा एकदा जोर चढला आहे.
तालुक्यातील साखर राजकारणात नवे वळण येण्याची शक्यता निर्माण झाली आहे.
