Shirur Lok Sabha News : म्हाडाचे अध्यक्षपद देऊन शिवाजीराव आढळराव पाटील यांची बोळवण केल्याचे आता स्पष्ट झाले आहे. काल रात्री मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांच्या बैठकीत ही जागा राष्ट्रवादी काँग्रेस अजित पावर गटाला देण्याचे निश्चित झाले आहे. या बैठकीत राष्ट्रवादीचे राष्ट्रीय अध्यक्ष अजित पवार, प्रदेशाध्यक्ष सुनिल तटकरे, मंत्री दिलीप वळसे पाटील उपस्थित होते. तर शिवाजीराव आढळराव पाटील हे देखील यावेळी उपस्थित होते. शिरुर लोकसभेसाठी शिवाजीराव आढळराव पाटील, भाजपचे प्रदीप कंद आणि विलास लांडे तिकीट मिळवण्यासाठी इच्छुक आहेत. दरम्यान, राष्ट्रवादी काँग्रेस कुणाला तिकीट देणार या कडे लक्ष लागून आहे.
