गेल्या दोन दिवसांपासून देशांतर्गत शेअर बाजारावर मोठा दबाव दिसून आला. आज बुधवारच्या व्यवहारात त्याचाच परिणाम म्हणून आज शेअर बाजारात घसरण पाहायला मिळाली
देशांतर्गत शेअर बाजारात आज मोठी घसरण पाहायला मिळाली. बँकिंग आणि वित्तीय समभागांच्या विक्रमी घसरणीने बाजाराचे कंबरडे मोडल्याचे चित्र आहे. बुधवारी, आठवड्याच्या तिसऱ्या दिवशी, दोन्ही प्रमुख निर्देशांक BSE सेन्सेक्स आणि NSE निफ्टी 50 मध्ये भयानक घसरण झाली.
सकाळपासूनच बाजारात घसरण सुरू
आज सकाळपासून BSE सेन्सेक्स आणि NSE निफ्टी दोन्ही मोठ्या घसरणीचे संकेत देत होते. दोघांची सुरुवात प्रत्येकी एक टक्का घसरणीने झाली. दिवसाचा व्यवहार जसजसा वाढत गेला तसतसा बाजारातील तोटा वाढत गेला. व्यवहाराच्या समाप्तीपर्यंत, सेन्सेक्स आणि निफ्टीचा तोटा 2.25 टक्क्यांवर पोहोचला होता, जो देशांतर्गत शेअर बाजारातील एका दिवसातील सर्वात मोठी घसरण आहे.
