मीडिया रिपोर्टनुसार, शिवानीच्या मुलीने सांगितले की, शाहरुखने व्हिडीओ कॉलवर तिच्या आईच्या तब्येतीसाठी प्रार्थना केली. तसेच, तिला लवकरात लवकर बरे वाटावे, म्हणून शुभेच्छा देखील दिल्या. इतकेच नाही तर, शाहरुखने आपल्या चाहत्याला वचन दिले की, तो तिच्या मुलीच्या लग्नात येईल आणि तिथे मासे व जेवणावर ताव मारेल. शाहरुख खानच्या एका फॅन पेजने ट्विटरवर एक फोटोही शेअर केला आहे, जो या व्हिडीओ कॉल दरम्यानचा असल्याचे सांगण्यात येत आहे. शाहरुख खानने आपल्या औटघटका मोजणाऱ्या चाहतीशी संवाद साधल्याची ही बातमी सोशल मीडियावर येताच चाहते किंग खानचे तोंड भरून कौतुक करत आहेत. किंग खानची ही शैली त्याच्या चाहत्यांना खूप आवडली आहे.
