काँग्रेस, माकप, तृणमूल, समाजवादी पक्षाचे नेते या कार्यक्रमाला अनुपस्थित राहणार असल्याने मोठा वाद निर्माण झाला. मंदिर उघडल्यानंतर ते आपल्या संपूर्ण कुटुंबासह राम मंदिराला भेट देतील, असे अखिलेश यांनी सांगितले. आम आदमी पक्षाचे सर्वेसर्वा अरविंद केजरीवाल यांनी सांगितले की, उद्घाटनाच्या कार्यक्रमानंतर ते आपल्या कुटुंबियांसमवेत मंदिरात जातील. निमंत्रितांच्या यादीत चित्रपट कलाकार, खेळाडू, पुजारी, न्यायाधीश, उद्योगपती आणि राजकारणी अशा किमान आठ हजार लोकांचा समावेश आहे.
