मनोरंजन विश्वात अनेक कलाकारांना कास्टिंग काउचसारख्या प्रकारांना सामोरे जावंच लागतं. अनेक कलाकार कास्टिंग काउच प्रकरणांचा जाहीर रित्या खुलासा देखील करतात. गेल्या काही काळात बॉलिवूड असो किंवा मराठी इंडस्ट्री, कलाकार कास्टिंग काउचसारख्या किळसवाण्या प्रकाराबद्दल समोर येऊन खुलेपणाने भाष्य करताना दिसले आहेत. अभिनेत्री सई ताम्हणकर हिनेदेखील अशाच एका प्रकारणाबद्दल खुलासा केला आहे. आजघडीला सई ताम्हणकर मनोरंजन विश्वात अतिशय प्रसिद्ध असली, तरी सुरुवातीच्या काळात तिला खूप स्ट्रगल करावा लागला होता. सई ताम्हणकर हिला देखील कास्टिंग काउचच्या प्रकरणात अडकवण्याचा प्रयत्न करण्यात आला होता. मात्र, नेहमीच बिंधास आणि बेधडक असलेल्या सईने तेव्हा देखील अतिशय खंबीरपणे या प्रकरणाला तिथेच थांबवण्यात यश मिळवलं होतं. सई बरोबर काय झालं होतं हे तिने स्वतः एका मुलाखतीत सांगितलं आहे.
