राम चरण आणि उपासना यांनी नुकताच त्यांच्या लग्नाचा ११वा वाढदिवस साजरा केला. उपासनाने आपली प्रेग्नन्सी जाहीर केल्यापासून ती खूप चर्चेत होती. लग्नाचा वाढदिवस साजरा करताना देखील उपसानाने आपल्या भावना व्यक्त केल्या होत्या. यावेळी उपासना आणि राम चरण दोघेही म्हणाले होते की, आता आई-बाबा बनण्यासाठी आम्ही पूर्णपणे तयार आहोत. बाळाच्या आगमनासाठी आम्ही सगळेच खूप उत्सुक आणि आतुर आहोत. थोडी काळजी वाटते, पण सगळं काही व्यवस्थित पार पडेल याची खात्री आहे.
