काँग्रेस नेते तथा लोकसभेतील विरोधी पक्षनेते राहुल गांधी यांचा आज (शुक्रवार) कोल्हापूरचा नियोजित दौरा ऐनवेळी रद्द झाला आहे. राहुल गांधी आजपासून दोन दिवस कोल्हापूर दौऱ्यावर येणार होते. त्यांच्या हस्ते कोल्हापुरातील कसबा बावडा येथील छत्रपती शिवाजी महाराज पूर्णाकृती पुतळ्याचे लोकार्पण आणि संविधान सन्मान संमेलनासाठी राहुल गांधी आज कोल्हापुरात येणार होते. मात्र राहुल गांधी यांच्या विमानामध्ये तांत्रिक बिघाड झाल्याने आजचा कोल्हापूर दौरा रद्द करण्यात आला आहे.
