Pune Porsche crash : पुण्यातील पोर्शे कार दुर्घटने प्रकरणी हाय कोर्टाने नुकताच आरोपी मुलाला जामीन मंजूर केला आहे. आता पुणे न्यायल्याने आरोपीचे आजोबा आणि वडील बिल्डर विशाल अगरवाल यांना देखील जामीन मंजूर केला आहे. यामुळे या प्रकरणात त्यांना दिलासा मिळाला आहे. ड्रायव्हरचे अपहरण करून चुकीच्या पद्धतीने बंदिस्त केल्या प्रकरणी दोघांना जामीन मंजूर करण्यात आला आहे. मात्र, आणखी एका गुन्ह्यात कोठडीत असल्याने आरोपीचे वडील विशाल अगरवालचा यांना तुरुंगातच राहावे लागणार आहे. तर आरोपी मुलाचे आजोबा सुरेंद्र कुमार अगरवाल यांची तुरुंगातून सुटका होणार आहे.
