नोकरीसाठी ऑनलाईन अर्ज करणे पडले १३ लाखांना
नोकरीसाठी ऑनलाईन अर्ज करणे एकाला चांगलेच महाग पडले आहे. नोकरीसाठी अर्ज केल्यानंतर जॉब व्हिझा फी, प्रोसेस हेल्थ इन्शुरन्स कव्हर फी, ट्रॅव्हल्स चेक, बँक अकाउंट ओपनींग फी, कन्सोलेट डिपॉझीट फी, हाय स्क्रिल इंमीग्रीण्ट परमीट, सर्टिफिकेट नोटरी फी, न्यु अपाईन्टमेंट फी अशा वेगवेगळया कारणासाठी तब्बल १३ लाख उकळूहनही नोकरी देता फसवणुक केल्याप्रकरणी मोबाईल नंबरधारक व्यक्ती व त्यांच्या साथीदारांवर येरवडा पोलिस ठाण्यात गुन्हा दाखल करण्यात आला आहे. याबाबत अलनकी कासम चीनी (वय ३३, रा. वॉटर बे अपार्टमेंट, वडगावशेरी) यांनी फिर्याद दिली आहे. हा प्रकार ३० नोव्हेंबर २०२३ ते १३ फेब्रुवारी दरम्यान घडला.
