अशी झाली दुर्घटना
पुणे विमानतळावरून एअर इंडिया फ्लाइट क्रमांक एआय ८५८ ही गुरुवारी दुपारी ४ वाजून १० मिनिटांनी दिल्लीसाठी उड्डाण घेणार होते. यावेळी ऐरोब्रिजला जोडलेले विमान प्रवासी बसल्यावर बाजूला झाले. दरम्यान, यावेळी या विमानाच्या पुढच्या खालील बाजूला धडक बसली. ही धडक जोरदार बसल्याने यात विमानाचा पत्रा तुटून मोठे भगदाड पडले. या विमानात सुमारे १६० प्रवासी होते. हे विमान पुण्याहून दिल्लीला जाणार होते. हे विमान टॅक्सी ट्रॅकवरून धावपट्टीवर जात होते. मात्र, त्या आधी हा अपघात झाला. या अपघातानंतर मोठा आवाज झाला. पायलटने विमान थांबवून विमानाची पाहणी केली. त्यांना पुढच्या बाजूला मोठे भगदाड दिसल्याने त्यांनी या विमानाचे उड्डाण रद्द करण्याचा निर्णय घेतला. याची माहिती अधिकाऱ्यांना देण्यात आली.
