फलटणमध्ये अभिमानाचा क्षण — कु. रसिका मोहिते यांची पुणे शहर पोलीस पदावर निवड; बारस्कर गल्लीत सत्कार सोहळा उत्साहात संपन्न
फलटण :- फलटण येथील बारस्कर गल्लीमध्ये आज अभिमानाचा आणि आनंदाचा क्षण अनुभवायला मिळाला. मा. श्री. ज्ञानेश्वर विठ्ठल मोहिते (नाना) यांची लाडकी पुतणी कु. रसिका राजेंद्र मोहिते हिची पुणे शहर पोलीस पदावर निवड झाल्याबद्दल तिचा भव्य सत्कार सोहळा आयोजित करण्यात आला होता.
हा सोहळा श्री रंगारी महादेव मंदिर, बारस्कर गल्ली येथे सायंकाळी ७.३० वाजता मोठ्या उत्साहात पार पडला. या कार्यक्रमाला फलटण नगर परिषदेचे नगरसेवक विकास वसंतराव काकडे तसेच नगरसेविका स्मिता शहा यांची प्रमुख उपस्थिती लाभली.
नेहरू गणेशोत्सव मंडळ, जयदुर्गा नवरात्र उत्सव मंडळ, मरीमाता नवरात्र उत्सव मंडळ आणि दत्तनगर मित्र मंडळ यांच्या वतीने रसिका मोहिते हिचा सन्मान करण्यात आला. तिच्या अथक परिश्रम, जिद्द आणि चिकाटीमुळे मिळालेल्या या यशाबद्दल सर्व स्तरातून तिचे कौतुक करण्यात आले.
कार्यक्रमास मंडळाचे पदाधिकारी, कार्यकर्ते, मित्रपरिवार तसेच परिसरातील नागरिक मोठ्या संख्येने उपस्थित होते. उपस्थितांनी तिच्या उज्ज्वल भविष्यासाठी शुभेच्छा दिल्या आणि तिच्या यशाचा अभिमान व्यक्त केला.
हा सोहळा बारस्कर गल्लीसाठी एक प्रेरणादायी आणि गौरवशाली क्षण ठरला.
