२३ वर्षांनंतर मंजिरी ओकचं कमबॅक
घरी येऊन मंजिरीने हा सगळा प्रसंग प्रसाद ओकला सांगितला. यावेळी प्रसादला देखील मोठा धक्का बसला होता. मात्र, प्रसादने मंजिरीला ‘तू इथून पुढे नोकरी करायची नाहीस, आराम करायचा’ असं म्हणत स्वतःची काळजी घेण्याची तंबी दिली होती. त्यावेळी दूरदर्शन आणि सह्याद्री याच वाहिन्या होत्या. मात्र, प्रसाद काम करत असलेल्या काही मालिका त्यावेळी गाजत होत्या. त्यामुळे येणाऱ्या पैशातून काटकसर करून घर चालवू असा निर्णय घेऊन मंजिरीने पूर्णवेळ घर सांभाळण्याची जबाबदारी घेतली. तब्बल २२-२३ वर्षांनंतर मंजिरीने ‘हिरकणी’ या चित्रपटापासून आयुष्यातील नव्या इनिंगला सुरुवात केली.
