Prajakta Mali On Marriage : मराठी चित्रपटसृष्टीतील एक तगडी अभिनेत्री म्हणजे प्राजक्ता माळी. आपल्या अभिनयाने आणि सौंदर्याने संपूर्ण महाराष्ट्राला वेड लावणाऱ्या या अभिनेत्रीने आपल्या करिअरमध्ये अनेक क्षेत्रांत यश मिळवले आहे. ‘जुळून येती रेशीमगाठी’ या लोकप्रिय मालिकेतून तिने अभिनय क्षेत्रात पदार्पण केले आणि त्यानंतर अभिनयाच्या कारकिर्दीत प्रेक्षकांनी तिच्या वेगवेगळ्या भूमिका पाहिल्या. या भूमिकांमुळे तिचे लाखो चाहते निर्माण झाले आहेत. या सगळ्यांना आता अभिनेत्री लग्न कधी करणार, हे जाणून घ्यायचे आहे. यावर आता तिने स्वतः उत्तर दिले आहे.
