फलटण (प्रतिनिधी) – फलटण नगरपरिषद निवडणुकीसाठी जाहीर झालेल्या प्रारूप प्रभाग रचनेवर आज पहिली हरकत दाखल झाली आहे. ही हरकत प्रभाग क्र. २ (मंगळवार पेठ – अनुसूचित जाती राखीव) येथील मतदार कुणाल किशोर काकडे यांनी दाखल केली आहे.
काकडे यांनी आपल्या हरकतीत नमूद केले आहे की –
१.दलित वस्ती सलग ठेवण्याऐवजी तुकडे करून असंबंधित भाग जोडले गेले आहेत.
२.प्रभागाची भौगोलिक सलगता भंगली असून नागरिकांना प्रशासनिक व निवडणुकीत अडचणी येणार आहेत.
३.अशा विभागणीमुळे SC Component Fund चा योग्य वापर होऊ शकत नाही व काही वस्ती वंचित राहतात.
हे संविधानातील अनुच्छेद २४३T तसेच महाराष्ट्र नगरपालिका अधिनियमातील नियमांचे उल्लंघन आहे.
या हरकती सोबत काकडे यांनी नकाशा पुरावा जोडला असून त्यात दलित वस्तीचे तुकडे व परकीय भागांचे जोड स्पष्ट दाखवले आहेत.
फलटण नगरपरिषदेत प्रभाग रचना जाहीर झाल्यानंतर दाखल झालेली ही पहिली हरकत असल्याने स्थानिक पातळीवर चर्चेला उधाण आले आहे.
