🏃‍♀️ ‘आपली फलटण मॅरेथॉन २०२५’ ला उत्स्फूर्त प्रतिसाद! २२०० हून अधिक स्पर्धकांची नोंदणी, वृक्षारोपण व अवयव दान मोहिमेचा शुभारंभ

फलटण :  जोशी हॉस्पिटल प्रा. लि. व रोबोटिक्स सेंटर, फलटण यांच्या वतीने आयोजित करण्यात आलेली ‘आपली फलटण मॅरेथॉन २०२५’ रविवार, १२ ऑक्टोबर रोजी आयोजित होत आहे. यंदाच्या मॅरेथॉनला तब्बल २२०० हून अधिक स्पर्धकांचा उत्स्फूर्त प्रतिसाद लाभला आहे. यामध्ये ५०० पेक्षा अधिक वृद्ध सहभागी असल्याचे आयोजक डॉ. प्रसाद जोशी व डॉ. प्राची जोशी यांनी सांगितले.

गेली ८ वर्षे नियमितपणे होणाऱ्या या मॅरेथॉनचा उद्देश लोकांमध्ये व्यायामाची सवय लावणे आणि आरोग्यप्रेम वाढवणे हा असून यावर्षीपासून एक आगळी वेगळी मोहीम सुरु करण्यात आली आहे – अवयव दान जनजागृती व वृक्षारोपण- संवर्धन!

वृक्षदाते स्पर्धकांना फ्री प्रवेश!

यावर्षीच्या मॅरेथॉनमध्ये सहभागी १००० विजेत्यांना देशी झाडांची रोपे देण्यात येणार असून ती सलग ३ वर्षे जतन केल्यानंतर पुढील मॅरेथॉनमध्ये त्यांना विनामूल्य प्रवेश दिला जाणार आहे. अशा प्रकारे हिरवळ संवर्धनाचा अनोखा उपक्रम राबवण्यात येत आहे.

👮‍♀️ मुख्य पाहुणे – मिरा बोरवणकर यांचे मार्गदर्शन

मॅरेथॉनचे उद्घाटन महाराष्ट्रातील पहिल्या महिला पोलीस आयुक्त मिरा बोरवणकर यांच्या हस्ते सकाळी ६ वाजता सजाई गार्डन, विमानतळ, फलटण येथून होणार आहे. त्या स्पर्धकांना मार्गदर्शन करतील आणि विजेत्यांना बक्षिसे प्रदान करतील.

🏅 बक्षिसे आणि मॅरेथॉन किट

• प्रत्येक वयोगटात पुरुष व महिलांसाठी ३ बक्षिसे –
  🥇 पहिले – ₹१०,०००
  🥈 दुसरे – ₹७,०००
  🥉 तिसरे – ₹५,०००
• फिनिशर मेडल आणि प्रत्येक रनरसाठी मॅरेथॉन किट –
  ज्यामध्ये टाईम चीप बिब, टी-शर्ट, एनर्जी बार, टोपी आणि खास भेटवस्तू समाविष्ट आहे.

📦 किट वितरण – ९, १० व ११ ऑक्टोबर

सर्व नोंदणीकृत स्पर्धकांनी आपले मॅरेथॉन किट जोशी हॉस्पिटल, चौथा मजला, फलटण येथून सकाळी १० ते संध्याकाळी ५ या वेळेत घेऊन जावे. स्पर्धेच्या दिवशी किट दिले जाणार नाही.

🧓🏻 वयोगटानुसार अंतरवाटप

वयोगट मॅरेथॉन अंतर १८-३० (जोश पूर्ण) १५ कि.मी. ३१-४५ (सळसळती तरुणाई) १० कि.मी. ४६-६४ (प्रगल्भ प्रौढ) ५ कि.मी. ६५ वर्षांवरील (अनुभवी ज्येष्ठ) ३ कि.मी. गुडघा शस्त्रक्रियेनंतरचे सहभागी १ कि.मी. वॉकेथॉन

यात विशेष म्हणजे ९०० रोबोटिक्स गुडघा शस्त्रक्रिया केलेल्या व्यक्तींनीही सहभाग नोंदवला आहे.