सर्वोच्च न्यायालयानं फटकारल्यानंतर आता पंतजलीवर कारवाई करण्यास सुरुवात झाली आहे. उत्तराखंड सरकारने दिव्य फार्मसीच्या 14 उत्पादनांवर बंदी घातली आहे.
बाबा रामदेव (Baba Ramdev) यांच्या अडचणी काही कमी होताना दिसत नाही आहे. दिशाभूल करणाऱ्या जाहिराती प्रकरणी सर्वोच्च न्यायालयाने बाबा रामदेव यांना फटकारल्यानंतर आता बाबा रामदेव यांच्या मालकीच्या पंतजली कंपनीवर कारवाई करण्यास सुरुवात झाली आहे. उत्तराखंड सरकारने पंतजलीच्या 14 उत्पादनावर बंदी घातली आहे. दिशाभूल करणाऱ्या जाहिरातींच्या प्रकाशन आणि प्रसारणाबाबत सर्वोच्च न्यायालयात ३० एप्रिल रोजी सुनावणी होणार आहे. सुनावणीच्या एक दिवस आधी, उत्तराखंड सरकारने पतंजलीच्या दिव्या फार्मसीच्या 14 उत्पादनांवर बंदी घातली.
हे सुद्धा वाचा
‘या’ उत्पादनांवर घालण्यात आली बंदी
पतंजलीच्या दिव्या फार्मसीच्या 14 उत्पादनांवर बंदी घालण्यात आली आहे. पतंजली दृष्टी आय ड्रॉप व्यतिरिक्त, यात श्वासरी गोल्ड, श्वासरी वटी, दिव्या ब्रॉन्कोम, श्वासरी प्रवाही, श्वासरी अवलेह, मुक्ता वती एक्ट्रा पॉवर, लिपिडॉम, बीपी ग्रिट, मधुग्रिट, मधुनाशिनी वटी एक्ट्रा पॉवर, लिवामृत ॲडव्हान्स, आयजी गोल्ड यांचा समावेश आहे.
