स्वत: परेश रावल यांनी एका मुलाखतीत त्यांची रंजक प्रेमकहाणी शेअर केली होती. आपल्या पत्नीबद्दल बोलताना परेश म्हणाले होते की, स्वरूपला बघून पहिल्या नजरेतच मी मोहित झालो होतो. ही गोष्ट त्यांनी सगळ्यात आधी आपल्या मित्राला जाऊन सांगितली. परेश यांच्या मित्राला म्हणजेच महेंद्र जोशी यांना ही गोष्ट सांगत ते म्हणाले की, हीच मुलगी माझी बायको होईल. यावर महेंद्र त्यांना म्हणाला की, तू ज्या कंपनीत काम करतोस त्या कंपनीच्या बॉसची ती मुलगी आहे, हे तुला माहीत आहे ना? मात्र, परेश रावल यांनी स्वरूप यांच्याशीच लग्न करण्याचा निर्णय मनाशी पक्का केला होता.
