मात्र, एवढं सगळं यश मिळवल्यानंतरही पंकज कपूर यांची अभिनयाची गोडी कमी झाली नाही. यानंतरही ते अभिनय सोडण्याचा निर्णय घेऊ शकले नाहीत. नोकरी मिळाल्यानंतरही त्यांनी आपले नाटकांतील काम चालूच ठेवले आणि ते एक उत्तम अभिनेता बनले. चित्रपटांमध्ये एन्ट्री करण्यापूर्वी पंकज यांनी टेलिव्हिजन इंडस्ट्रीतही नशीब आजमावले होते. त्यांनी ‘नीम का पेड’, ‘करमचंद’, ‘ऑफिस ऑफिस’ यांसारख्या मालिकांमध्ये काम केले आहे. खूप मेहनत केल्यानंतर त्यांना ‘जाने भी दो यारों’, ‘मकबूल’, ‘हल्ला बोल’, ‘रोजा’, ‘मंडी’, ‘गांधी’ आणि ‘दस’ यांसारख्या चित्रपटात काम करण्याची संधी मिळाली.
