pandharpur vitthal mandir ladu prasad quality : पंढरपूर येथील विठ्ठल मंदिर अवघ्या राज्याचे दैवत आहे. या ठिकाणी आषाढी वारी निमित्त आणि रोज हजारो भाविक दर्शनासाठी येत असतात. दर्शन घेऊन झाल्यावर येथील प्रसादाचा लाडू देखील घेऊन जातात. मात्र, या प्रसादाबद्दल धक्कादायक माहिती उघड झाली आहे. प्रसादाचा हा लाडू निकृष्ट दर्जाचा असल्याचे उघड झाले आहे. लेखापरीक्षणाच्या अहवालात ही बाब उघड झाली असून हा अहवाल अधिवेशनात मांडण्यात आला आहे. या अहवालामुळे विठ्ठल मंदिर समितीचा ढिसाळ कारभार चव्हाट्यावर आला आहे.
