मिळालेल्या माहितीनुसार, पालघर जिल्ह्यातील नालासोपारा येथील कळंब या गावात राहणाऱ्या यश आणि जीत निजाई या दोन भावंडांनी परिसरातील तरुणींच्या इन्स्टाग्राम अकाऊंटवरून काही फोटोंची चोरी करण्यास सुरुवात केली. त्यानंतर आरोपींनी तरुणींच्या फोटोंना मॉर्फ करत त्याचे अश्लील व्हिडिओ बनवण्यास सुरुवात केली. याशिवाय आरोपींनी अश्लील व्हिडिओ सोशल मीडियावरही व्हायरल केले. या घटनेची माहिती मिळताच पीडित तरुणींनी आरोपींना जाब विचारला. त्यावेळी आरोपींनी तरुणींना शिवीगाळ करत मारहाण केली. त्यानंतर पीडित तरुणींनी थेट पोलीस ठाणे गाठत पोलिसांना घडलेला सारा प्रकार सांगितला.
