Nitin Desai: ‘हम दिल दे चुके सनम’ ते ‘जोधा अकबर’, नितीन देसाईंने केले होते सुपरहिट चित्रपटांचे कला दिग्दर्शन

नितीन देसाई यांचा जन्म १९६५ साली दापोली येथे झाला. त्यांनी मराठी माध्यमातून त्यांचे शिक्षण घेतले. त्यानंतर मुंबईमधील जे.जे. कला महाविद्यालयातून प्रकाशचित्रणाचे प्रशिक्षण घेतले. त्यांनी १९८७ साली चित्रपटसृष्टीमधील करिअरला सुरुवात केली. ‘१९४२ अ लव्ह स्टोरी’ या चित्रपटाने त्यांना ओळख मिळवून दिली. त्यानंतर त्यांनी अनेक हिट सिनेमांचे कलादिग्दर्शन केले. ‘हम दिल दे चुके सनम’, ‘माचिस’, ‘देवदास’, ‘लगान’, ‘जोधा अकबर’ त्यांचे हे सिनेमे गाजले.