फलटण, 20 जून : माळेगाव सहकारी साखर कारखान्याच्या राज्यभर गाजणाऱ्या निवडणुकीच्या पार्श्वभूमीवर फलटण तालुक्यातील राजकारणाला नवे वळण लागले आहे. विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर यांच्या आदेशानुसार, उपमुख्यमंत्री अजितदादा पवार यांच्या नेतृत्वाखाली लढत असलेल्या ‘निळकंठेश्वर पॅनल’ला राजे गटाचा जाहीर पाठिंबा जाहीर करण्यात आला आहे.
सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांनी गोखळी येथे झालेल्या कोपरा प्रचार सभेत या पाठिंब्याची घोषणा केली. या निर्णयामुळे माळेगाव कारखान्याच्या निवडणुकीत निळकंठेश्वर पॅनलला फलटण तालुक्यातील मतांची मोठी साथ मिळण्याची शक्यता व्यक्त केली जात आहे.
या पाठिंब्यामुळे फक्त कारखान्याच्या निवडणुकीवरच नाही, तर आगामी राजकीय समीकरणांवरही परिणाम होणार असल्याचे जाणकार सांगत आहेत.
