महाराष्ट्र विधानसभा निवडणुकीच्या रणधुमाळीला आता खऱ्या अर्थाने रंगत आली आहे. महाविकास आघाडीतील घटक पक्ष शिवसेना उद्धव ठाकरे गटाने ६५ उमेदवारांची पहिली यादी जाहीर केल्यानंतर आज राष्ट्रवादी काँग्रेस शरद पवार गटाने पहिली यादी जाहीर केली असून एकूण ४५ उमेदवारांना संधी दिली आहे. प्रदेशाध्यक्ष जयंत पाटील यांनी उमेदवारांची नावं वाचून दाखवली. या यादीचे सर्वात मोठे वैशिष्ये म्हणजे बारामतीमध्ये पुन्हा एकदा पवार विरुद्ध पवार महामुकाबला महाराष्ट्राला पाहायला मिळणार आहे. सर्वांना उत्सुकता असलेल्या बारामती मतदारसंघाच्या मैदानात शरद पवारांनी युगेंद्र पवार यांना उमेदवारी दिली आहे.
