नाना पटोले यांनी खुलताबादेतील वेरुळ, घृष्णेश्वर, भद्रा मारुतीचं दर्शन घेतलं आहे. याशिवाय नाना पटोले यांनी जर-जरी बक्ष यांच्या दर्ग्याचं दर्शन घेत चादर चढवली. त्यामुळं त्यांनी सर्वधर्मियांना भेट दिल्याने चर्चा सुरू झाल्या आहे. राष्ट्रवादीतील फूटीवर बोलताना पटोले म्हणाले की, राष्ट्रवादी पक्षात काय सुरू आहे, हे बघणं आमचं काम नाहीय. आम्हाला सध्या जनतेची काळजी वाटत आहे. घरातला बाप हा बापच असतो, मुलाने काहीही गडबग केली तरी त्याला काही फरक पडत नाही, असं म्हणत नाना पटोलेंनी उपमुख्यमंत्री अजित पवार यांना जोरदार टोला हाणला आहे.
