पोलिसांनी दिलेल्या माहितीनुसार, राजू ढेंगरे असे हत्या करण्यात आलेल्या व्यक्तीचे नाव आहे. तर, छोटू आणि आदी हे राजू ढेंगरे यांच्या नागपूर येथील धाब्यावर कामाला होते. राजू ढेंगरे यांनी छोटू आणि आदी या दोघांना दिवाळीचा बोनस देणार असल्याचे सांगतिले होते. परंतु, राजू ढेंगरे यांनी या दोघांना दिवाळीच्या बोनसमधील काहीच रक्कम दिली आणि उर्वरित रक्कम नंतर देतो असे सांगत झोपायला गेले.
