वाकोला परिसरात कारवाई करत एका व्यक्तीची अनधिकृतपणे झडती घेऊन त्याला ताब्यात घेणं पोलिसांना महागात पडलं आहे. मुंबई पोलिसांचा संतापजनक प्रकार समोर आला आहे. अंगझडती घेताना एका सामान्य नागरिकाच्या खिशात पोलिसांनीच ड्रग्जची पुडी टाकली. परंतु हा प्रकार सीसीटीव्हीमध्ये कैद झाल्याने हा प्रकार उघडकीस आला. खार पोलिस ठाण्यांतर्गत ही घटना घडली आहे. या प्रकरणी खार पोलीस ठाण्यातील पोलीस उपनिरीक्षकासह ४ पोलीस कर्मचारी निलंबित करण्यात आले आहेत.
