छत्रपती शिवाजी महाराज टर्मिनस (सीएसएमटी) येथील फलाट क्रमांक १० व ११ च्या रुंदीकरणासह ठाणे येथील फलाटांच्या कामासाठी शुक्रवार, शनिवार आणि रविवारी मध्य रेल्वेकडून मेगाब्लॉक घेण्यात येणार आहे. या ब्लॉकमुळे लोकल गाड्यांच्या वेळापत्रकावर विपरित परिणाम होणार असून, तिन्ही दिवशी एकूण ९३० लोकल फेऱ्या रद्द करण्यात येणार आहेत. त्यामुळे लोकल प्रवाशांची तारांबळ उडणार असून, या दिवशी नोकरदारांना वर्क फ्रॉर्म होम सुविधा देण्याची विनंती मध्य रेल्वे प्रशासनाने विविध सरकारी व खासगी कार्यालयांना केली आहे.
