Mumbai Asmi Industrial Complex Fire: मुंबईत गोरेगाव येथील अस्मी इंडस्ट्रियल कॉम्प्लेक्समध्ये आज (बुधवारी, २४ जानेवारी) आग लागल्याची घटना घडली. या आगीची माहिती मिळताच अग्निशमन दलाच्या आठ गाड्या घटनास्थळी रवाना करण्यात आल्या आहेत. आग कशामुळे लागली? याबाबत अद्याप कोणतीही माहिती समोर आली नसून आगीवर नियंत्रण मिळवण्याचे काम सुरू आहे. या आगीत कोणतीही जीवितहानी झाली नसल्याची माहिती समोर येत आहे.
