कोकणातील काही भागांमध्ये पूरस्थिती निर्माण होण्याची शक्यता असून काही ठिकाणी भूस्खलन होण्याचा अंदाज वर्तवण्यात आला आहे. त्यामुळं हवामान खात्याने दक्षिण कोकणासह गोवाच्या किनारी भागांमध्ये पावसाचा अलर्ट जारी केला असून नागरिकांना काळजी घेण्याचं आवाहन करण्यात आलं आहे. महाराष्ट्र, अंदमान, निकोबार, ओडिशा, गोवा, केरळ आणि कर्नाटकातील किनारी भागांमध्ये येत्या दोन दिवसांत जोरदार पावसाचा अंदाजही हवामान खात्याकडून वर्तवण्यात आला आहे.
